L’Ayuntamientu de Truchas incorpora nos carteles de las suas localidades la denominación popular xunto cona oficial

 http://elcabreires.com/wp-content/uploads/2015/07/carteles-carretera-192x300.jpg

 

Trueitas, Quintaniella ou Vayellu. Son namás dalgunos exemplos de los ñomes tradicionales qu’a partir de güei figuran nos carteles fincados nas entradas de los respectivos puebros, sigún pudo saber n’esclusiva elcabreires.com. L’Ayuntamientu de Truchas ou Trueitas, punxo los indicadores de las trelce localidades na sua forma populare. Onque dalgunas d’eillas mantuvieron sin cambeos la sua denominación tradicional al traviés de los años y de los siegros, cumo ye’l casu de Corporales, La Cuesta, Cunas, Iruela, Mazaneda y Pozos, outras mudoron contra una castellanización que nun yiera del mesmu xeitu que la maneira que desde siempre utilizoron los paisanos.